蔡爸爸今年将近五十大寿，戴住一副金丝眼镜，样子十分斯文有礼，身着一套中?装，外表上真係难以联想佢係一位宝石界嘅大亨同著名嘅宝石设计师。

范冰感到有点手忙脚乱，对于自己嘅亲生父母并无任何记忆，但係从蔡火舞嘅记忆中得知，蔡爸爸係一个好好嘅父亲，内心满是对呢种父爱既羨慕。

“心儿，点解唔过来呀？我听到讲你呢半年又缺席咗唔少堂嘅？都已经读紧大学喇，点解反而仲唔俾心机学习嘅？今次嘅期末考试睇嚟你又……”

期末嘅成绩早几日已经公布，范冰拿出手机，登入咗学校教务处网站，搵出成绩单交俾蔡爸爸睇。

“……我以为你又……原来你嘅专业课考咗满分？！”蔡爸爸简直以为自己眼花。佢握紧手机反反复复查看左好耐，最终确认呢份成绩单冇任何问题。

范冰得意地伸咗下舌頭：“係嘅，我唔小心考咗个满分，爸爸你唔开心嘅咩？”

“开心，开心嘅！”蔡爸爸紧握住手机，面上笑容好似食咗两斤蜜糖。平时出街，佢啲老友仔个个屋企都有年龄相近嘅仔女喺L大读书，每当听人讲自己嘅子女考咗几多分，攞咗乜嘢奖学金，蔡爸爸就觉得面子上挂唔住。

噉嘅家庭来讲，最紧要嘅唔係钱，而係面。

今次要威番一次啦，蔡爸爸心谂。

笑容满面咁将手机交返俾范冰，蔡爸爸讲道：“心儿啊，你个寒假想去边度玩呀？零用钱仲够唔够用呀？”

范冰一脸认真回应：“爸，我觉得我都唔细喇，以前玩嘅机会唔少，今个寒假我想唔想喺铺头学啲嘢呀？尤其係珠宝设计……”

蔡爸爸满脸欣慰：“好好好，心儿长大喇，知咗发奋向上，如果你想学嘅话，爸爸当然支持你。”

“嘩！爸爸係全世界最好嘅！”范冰锡咗蔡爸爸脸颊一口，欢喜若狂咁跑上楼。

一入房门，楚伟热情地迎上前。

“我嘅酬劳呢？”

范冰二话唔讲一脚踢咗佢飞起。

楚伟捂住肚脐跌响地下：“你就咁对我噉个帮你由个位数成绩提升到满分嘅恩人……”

范冰冰再补一脚踩喺佢身上。

从抽屉拿住近日抽空画嘅珠宝设计图，范冰急匆匆落楼下，将设计图递给蔡爸爸。

“爸，呢啲係我最近试住画嘅设计图，你睇下得唔得?唔？下个月巴黎嗰场展览，可唔可以俾呢几款珠宝参加先？”

一般参加咁大型嘅国际展览会，通常上年展会结束后就会报名参加下年嘅，范冰知蔡爸爸上年已经决定继续参加。

蔡爸爸依家对范冰做咩都唔会惊讶，笑眯眯接过图纸：“心儿原来对珠宝设计都有兴趣嘅？我睇吓先……”

仅仅睇咗一眼，蔡爸爸就呆住左。

“心儿，呢啲真係你自己设计嘅？”

范冰乖乖地点咗下头：“係啊。”

“好好好……”蔡爸爸兴奋地翻开图纸，“呢啲设计真係太巧妙喇。虽然时间紧迫，但如果只係制作样品嘅话仲係赶得切嘅。爸爸保证会在参展之前整好呢啲珠宝。”

蔡爸爸觉得人生从未试过咁舒畅：睇睇，始终都係佢嘅宝贝女最叻，唔出手则已，一出手便惊艳四座。

打咗个电话畀生产部，蔡爸爸收起图纸，脚步轻快地离开咗。

参展嘅事情暂告一段落，范冰开始策划下一步行动。

最近L大嘅学生之间流行紧一款名叫《妖灵》嘅卡牌类手机游戏，原本嘅蔡火舞同样係个疯狂粉丝，投入唔少金钱。

范冰试玩咗下，都觉得几好玩。

虽然今次考咗满分，但她认为自己嘅人气同康星星比较仲有一段距离。康星星嘅忠实粉丝太多，到时分分钟靠口水都可以淹没范冰。

为咗真正超越康星星，成为校园嘅风云人物，范冰决定喺呢款游戏上面花啲心思。

佢开设咗一个名为“欧气满满沉迷妖灵”嘅微博账号，每日喺上面记录自己抽卡嘅结果、游戏嘅趣事，每隔几日就上传一张游戏角色嘅同人画作。

范冰嘅绘画水准其实同专业画手相差无几，迅速吸引咗唔少粉丝。

果日夜晚，蔡爸爸终于将范冰嘅几张设计图纸变成实物，范冰收到蔡爸爸传过来嘅图片后相当开心。