我哋有机会赢嘅咩？

望住部自动卫兵，再望住一堆乱七八糟但明显好先进、威力又大嘅器具，众长老揺头。

“但系我哋魔族做唔出噉嘅器具啊。”器长老几失望咁讲，“我哋冇人类嗰种储存魔力嘅嘢。而且魔族嘅魔力都唔系噉嘅嘢可以储存到嘅。”

魔族嘅魔力比空气中嘅魔力变化更多，同时更加狂暴，真系好难储存。

“呢个确实系个问题……”范冰都觉得唔易搞，“不过，可能真系有啱魔族储存魔力嘅嘢存在，只不过一直以来我哋冇留意过啫？

众长老互相对望，个个面上嘅表情都系：冇理过嘅。

喺魔族嘅观念入面，依靠强大嘅器具唔系同弱小嘅人类一样嘅咩？实在太失礼。

范冰侧住个头谂咗阵，佢记得喺见到嘅未来入面，人类好似有几次系主动发起战争嘅。

佢冇谂过完全建立一个魔族同人类和平共处嘅世界，但系势力平衡佢一定要保持住，然后有实力建立基础嘅情况下开始贸易往来。

呢个系佢嘅计划，咁首先就要提升魔族嘅实力。

佢谂左一阵，忽然话："我觉得，我哋应该同王城以及跟住塔伦嘅魔族划清界限。"

大长老呆左一吓，唔知佢谂紧乜："点解咁讲？"

"塔伦为左一个人类竟然杀害魔神嘅祭司，呢样绝对唔可以原谅。"范冰宜家觉得祭司呢个身份真系太好用嘞，"由古到今，冇任何一个魔族敢对魔神嘅祭司唔敬，魔神嘅祭司亦都冇试过死系魔族手上。"

佢嘅表情显得好愤怒。

几个长老同卡多互相望一望，面上都露出愤怒嘅神色。

"啱嘅，呢个系对魔神大人嘅背叛！"

"呢个系对魔族嘅背叛！"

满意咁周围睇咗一眼，范冰话："咁样嘅话，我哋应该换旗，改国号，至于名……有嘞。"

佢拍下手："我哋系魔族，佢哋就系兽人族，点啊？"

兽人系人类战争中对魔族嘅蔑称，对于呢个称呼魔族上上下下都好厌恶，而家范冰话将呢个名俾塔伦为首嘅魔族，真系令人觉得痛快。

之后范冰不好意思咁笑："不过都系我自己嘅谂法，仲未问过魔神大人嘅意见。"

"唉……如果唔系魔神大人陷入沉睡，我哋魔族边会落到宜家呢个田地。"大长老叹气。

范冰一呆：难道真系有魔神存在？不过谂深一层，连死神都存在嘅世界，有魔神存在实在太正常。

因为魔神沉睡多年，只有祭司可以沟通，所以魔族祭司嘅身份同地位至会咁重要，众长老先会对塔伦充满愤怒。

武长老系个急性子，佢系最早跳出来反对塔伦娶托帕石嘅，即刻急急脚讲："我哋宜家嘅情况，都要请教魔神大人指点一下，不如即刻去啦。"

范冰谂左一谂："祭坛虽然唔系好完美，但系需要嘅野都已经齐晒，咁就去啦。"

佢有啲担心魔神会唔会睇穿佢唔系真正嘅哈娜亚，但係希尔喺佢后面握住佢只手，令佢觉得自己充满力量。

众人向祭坛行去，范冰按住哈娜亚记忆入面嘅做法，先换好祭司嘅服饰，然后准备好各种需要嘅物品，跪系祭坛中间开始祈祷。

"杂咕噜彭怕波切题多……"一串又长又古怪嘅咒语之后，祭坛中间渐渐聚集起一团黑紫色嘅火焰，之后越嚟越大，最终渐渐形成一个背后有双翼，头顶有角嘅人形，只不过冇五官。

魔神降临嘞。